Thibaut Courtois

Thibaut Courtois
	; (2018) Irudi gehiago
Bizitza
Jaiotzako izen-deiturak	Thibaut Nicolas Marc Courtois
Jaiotza	Bree, 1992ko maiatzaren 11 (32 urte)
Herrialdea	Belgika
Lehen hizkuntza	Belgikako frantsesa; Belgian Dutch (en)
Familia
Haurrideak	ikusi Valérie Courtois;
Hezkuntza
Hizkuntzak	Belgian Dutch (en) ; Belgikako frantsesa; ingelesa; gaztelania
Jarduerak
Jarduerak	futbolaria
Ibilbidea
	Parte-hartzailea 2014ko Munduko Futbol Txapelketa ; UEFA Euro 2016 ; 2018ko Munduko Futbol Txapelketa ; UEFA Euro 2020 ;
Posizio edo espezialitatea	futbol atezaina
Kirol zenbakia	1
Pisua	96 kilogramo
Altuera	200 zentimetro
Jasotako sariak	ikusi Belgian Sportsman of the year (2014) ; Premier League Golden Glove (2017) ; The Best FIFA Goalkeeper (2018) ;
Sinesmenak eta ideologia
Erlijioa	kristautasuna
	thibautcourtois.com

Thibaut Nicolas Marc Courtois (Bree, Belgika, 1992ko maiatzaren 11), edo laburbilduta "Courtois" belgikar futbol atezain bat da. Real Madrid C.F. taldean Espainiako futbol ligako lehen mailan eta Belgikako selekzioan jokatzen du.

Bizitza pertsonala

Bere gurasoak Thierry Courtois eta Gitte Courtois dira, boleiboleko jokalariak; baita bere arreba, Valérie Courtois, ere. Thibaut Courtois txikitatik kirol horretan aritu zen, baina futbolean zentratzea erabaki zuen 12 urterekin.

Kirol Ibilbidea

KRC Genk

Courtois 5 urterekin Bilserve VV taldean hasi zen bere kirol ibilbidea. Han 3 urte egon eta KRC Genk taldera joan zen. Hasieran, ezker atzelaria bezala egon zen, baina gero, atezaina izatea erabaki zuten.

16 urterekin, debuta egin zuen KAA Gent-en kontra. 2007-09 ko denboraldian, Courtois taldeko seigarren atezaina zen. Bost jokalari zeuden haren aurretik: titularra Logan Bailly zen, bigarrena Sinan Bolat, hirugarrena Davino Verhulst, laugarrena Sem Franssen eta bosgarrena Koen Casteels. Esperientzarik gabeko atezaina bost horien atzean zegoen, baina 2009. urtean Logan Bailly-k eta Sinan Bolat-ek alde egin zuten taldetik, Verhulst titular utzita. Hala ere, Verhulst-ek bi partidako zigorra jaso zuen falta batengatik, Frassen-ek orkatilan lotailuak hautsi zituen eta Koen Casteels-ek hatz bateko lesioa zuen. Hala, Courtoisek bere aukera jaso zuen, eta debuta egin ahal izan zuen.^[1]

Genk-en egon zen bitartean, funtsezkoa izan zen 2010-2011 denboraldian Belgikako ligako titulua lortzeko. Bere aktuazioei esker, talde askok

Atletico de Madrid

2011. urtean Chelsea fitxatu zuen £7,9 milioi truke. Baina egun berean, Courtois laga zuten Atletico Madril taldera. Hiru denboraldi egon zen zuri-gorri bezala.

Hainbat garaikur irabazi zituen talde horretan. 2012an haren lehen europar titulua lortu zuen, UEFA Europa League. Horren ondoren, Europako Superkopa irabazi zuen Chelsea-ren kontra. Azkenik, Espaniako Errege Kopa bat 2013an eta Liga bat 2014. urtean.

Chelsea

2014/15 denboraldian, Courtois Chelsea-ra itzuli zen. 2014ko abuztuaren 3an jokatu zuen lehen partidu lagunartekoa Werder Bremenen aurka. Handik hamabost egunera, bere lehen partida ofiziala jokatu zuen Burnley-ren aurka, Premier Leagueko lehen egunean taldeak 3-1 irabazi baitzituen.

Belgikako atezainak Ligako Kopa 2015. urtean eta Premier League 2015. eta 2017. urteetan lortu zituen, baita FA Cup bat ere 2018an. Courtoisek Premier League-ko Urrezko Eskularrua irabazi zuen denboraldia amaitzean.

Real Madrid

2018ko uztailaren 8an, Real Madrilek fitxatu zuen, 35 milioi euro inguruko zenbatekoan. Santiago Bernabéu estadioan aurkeztu zuten ofizialki uztailaren 9an.

2022ko maiatzaren 28an, Parisko Champions Leagueko finaleko jokalari onena aukeratu zuten, Real Madril eta Liverpool taldeen artean, talde zuriak bere hamalaugarren Europako Kopa irabaz zezan egin zuen jarduera erabakigarriari esker. Denboraldia amaitutakoan, 2021-22 denboraldiko bigarren jokalari onena izendatu zuen Marca egunkariak.

2023ko abuztuaren 10ean, Courtuis lesionatu zen Athleticen aurkako lehen partida prestatzen, eskuineko belauneko meniskoan. Horren ondorioz, 2023-2024 denboraldi ia osoa ezin izan zuen jokatu.^[2] Hala ere, denboraldi horreko Champions Leagueko finala jokatu zuen, Andriy Lunin-ek sukarra baitzeukan.

Selekzioan

2011ko maiatzaren 19an, Belgikako selekzioarekin deitu zuten lehen aldiz, 2012ko Eurokoparako sailkapen-partida bat egiteko Turkiaren aurka, nahiz eta azkenean ez zuen jokatu. Baina ofizialki jokatu zuen, Frantziaren aurka jokatutako lagunartekoan.

2014ko Munduko Futbol Txapelketako atariko zerrendan sartu zen. Urte horretako maiatzaren 25ean, 1 zenbakia eman zitzaion eta partida guztiak titular gisa jokatu zituen final-laurdenetara arte, Argentinaren aurrean galdu zuten arte. 2018ko ekainaren 4an hautatu zuten berriro. Azkenean, Txapelketako hirugarren postuan amaitu zen, Munduko Kopetako Belgikako selekzioaren historiako emaitzarik onena. Courtoisek Munduko Urrezko Eskularrua irabazi zuen, txapelketako atezainarik onena baitzen.

2023ko ekainaren 19an, selekzioaren kontzentrazioa utzi zuen 2024ko Eurokoparako sailkapen-partida baten aurretik, taldearen kapitaintzak eragindako gatazka baten ondorioz.

Azken faseetako partaidetzak


Munduko futbol txapelketa	Egoitza	Emaitza	Partiduak	Golak
2014ko Munduko Futbol Txapelketa	Brasil	Final-laurdenak	5	3
2018ko Munduko Futbol Txapelketa	Errusia	Hirugarren postua	7	6
2022ko Munduko Futbol Txapelketa	Qatar	Taldeen fasea	3	2
Totala			15	11
Eurokopa	Egoitza	Emaitza	Partiduak	Golak
UEFA Euro 2016	Frantzia	Final-laurdenak	5	3
UEFA Euro 2020	Europa	Final-laurdenak	5	3
Totala			10	6

Estatistika klubetan

2024ko ekainaren 17an eguneratua.


Kluba	Herrialdea	Urteak	Partiduak	Golak
KRC Genk	Belgika	2008-2009	1	2
KRC Genk	Belgika	2010-2011	44	47
Atletico Madril	Espainia	2011-2012	52	50
		2012-2013	46	35
		2013-2014	56	40
Chelsea F.C	Inglaterra	2014-2015	39	35
		2015-2016	30	38
		2016-2017	39	32
		2017-2018	46	47
Real Madril	Espainia	2018-2019	35	48
		2019-2020	43	32
		2020-2021	51	44
		2021-2022	52	46
		2022-2023	49	49
		2023-2024	5	0

Ezkontza eta seme-alabak

Thibaut Courtois-ek amaitu egin zuen Marta Domínguez espainiarrarekin zuen harremana, bigarren aldiz guraso bihurtu baino hilabete lehenago, adiskidetasunez eta elkarren arteko erabakiz. Azken adiskidetzea 2018ko abuztuan izan zen, baina hilabete batzuk besterik ez zuen iraun, eta lotura horrek, ustez, desleialtasunak eragin zituen.^[3]

Mishel Gerzigekin ezkonduta, 2024ko urtarrilean, Instagramen bitartez iragarri zuten lehen semearen zain zeudela.

Erreferentziak

↑ Leo Salinas - Fútbol. (2022-09-25). NACIÓ para JUGAR VOLLEYBALL🏐... pero se CONVIRTIÓ en el MEJOR PORTERO | Thibaut Courtois La Historia. (Noiz kontsultatua: 2024-09-11).
↑ (Gaztelaniaz) 20minutos. (2024-03-19). «Otra lesión de Thibaut Courtois, que se retira llorando del entrenamiento: adiós a la temporada con el Real Madrid» www.20minutos.es - Últimas Noticias (Noiz kontsultatua: 2024-09-11).
↑ (Gaztelaniaz) «Thibaut Courtois: el agitado curriculum amoroso con punto final gracias a la modelo Mishel Gerzig» ELMUNDO 2023-06-27 (Noiz kontsultatua: 2024-09-11).

Kanpo estekak

Busca Biografias de Thibaut Courtois
Ceroacero: Thibaut Courtois
Courtois | Web Oficial | Real Madrid
Thibaut Courtoisen liburua: El muro. La historia de mi vida

Datuak: Q73360
Multimedia: Thibaut Courtois / Q73360

[1] Leo Salinas - Fútbol. (2022-09-25). NACIÓ para JUGAR VOLLEYBALL🏐... pero se CONVIRTIÓ en el MEJOR PORTERO | Thibaut Courtois La Historia. (Noiz kontsultatua: 2024-09-11).

[2] (Gaztelaniaz) 20minutos. (2024-03-19). «Otra lesión de Thibaut Courtois, que se retira llorando del entrenamiento: adiós a la temporada con el Real Madrid» www.20minutos.es - Últimas Noticias (Noiz kontsultatua: 2024-09-11).

[3] (Gaztelaniaz) «Thibaut Courtois: el agitado curriculum amoroso con punto final gracias a la modelo Mishel Gerzig» ELMUNDO 2023-06-27 (Noiz kontsultatua: 2024-09-11).

[1]

[2]

[3]